நாளை மறுநாள் வியாழக்கிழமை ஒற்றுமைத்துறை அமைச்சர் டத்தோ ஸ்ரீ ஆரோன் அகோ டகாங்- கை மலேசியத் தமிழர் சிந்தனைப் பேரவையின் தலைவர் முனைவர் பெரு.அ.தமிழ்மணி தலைமையில் அமைக்கப்பட்ட குழுவொன்று, சந்தித்துப் பேச்சு வார்த்தையை நடத்தும் என்று எதிர்பார்க்கப்படுகிறது. .
இந்நாட்டு இந்தியர்களின் இருநூற்றாண்டுக்கால சொத்துடமைக்கான முன்னோட்டம் குறித்து அமைச்சருடன் இக்குழு விவாதிக்குமென்று அக்குழுவின் செயலாளர் சிமு.விந்தைக்குமரன் கோடிகாட்டினார்.
இக்குழுவில் பொருளாதார ஆலோசகர் இரா.மாசிலாமணியுடன் சட்டவல்லுனர்களான டத்தோ- வீ. நடராஜன், ம. மதியழகன்-மற்றும் சமூக ஆய்வாளர்களான இரமணி கிருஷ்ணன், பி.கருப்பையா,- டாக்டர் குமரவேலு, இரா. தினகரன் உள்ளிட்டோர் பங்கேற்பதுடன், 25-க்கும் மேற்பட்ட தன்னார்வ இயக்கங்களின் பிரதிநிதிகளும் பங்கேற்பர் என்று எதிர்பார்க்கப்படுகிறது.
வியாழன் அன்று நண்பகல் 12.00 மணிக்கு ஒற்றுமைத்துறை அமைச்சருடன் நடைபெறும்.
இச்சந்திப்பானது, வரலாற்றுப்பூர்வமான திருப்பங்களுக்கு, முக்கிய காரணமாக அமையக் கூடுமென்று சமூக வட்டங்களில் பரவலாக எதிர்பார்க்கப்படுகிறது.
