கோலாலம்பூர், ஜூன்.08-
பாலிடெக்னிக் இளங்கலைப் பட்டயக் கல்விக்கான 2025/2026 கல்வியாண்டு விண்ணப்பங்கள் ஜூலை 4 ஆம் தேதி வரை திறந்திருக்கும் என்று பலிடெக்னிக், சமூகக் கல்லூரி கல்வித் துறை ஜேபிபிகேகே அறிவித்துள்ளது. டிப்ளோமா, அட்வான்ஸ் டிப்ளோமா பட்டதாரிகளும், தொழில்முறைப் பயிற்சியை முடித்த இறுதித் தவணை டிப்ளோமா மாணவர்களும் விண்ணப்பிக்கலாம்.
பொறியியல், பொறியியல் தொழில்நுட்பம் அல்லது பொது - தனியார் உயர்கல்வி நிறுவனங்களில் தொடர்புடைய துறைகளில் டிப்ளோமா பெற்றவர்கள், எஸ்டிபிஎம், ஸ்டாம், அல்லது APEL.A T-6 சான்றிதழ் பெற்றவர்களும் விண்ணப்பிக்கலாம். இந்த இளங்கலைப் பட்டப்படிப்புகள் பேரா, உங்கு ஓமார் பலிடெக்னிக், சிலாங்கூர் சுல்தான் சலாஹூடின் அப்துல் அஸிஸ் ஷா பலிடெக்னிக், ஜோகூர் இப்ராஹிம் பலிடெக்னிக், பேரா சுல்தான் அஸ்லான் ஷா பலிடெக்னிக் ஆகிய நான்கு பலிடெக்னிக்குகளில் வழங்கப்படுகின்றன.
