ஜோகூர்பாரு, மார்ச் 30-
ஜோகூர்பாரு, தாமான் மவுண்ட் ஆஸ்டின் பகுதியில் உள்ள கேளிக்கை மையங்களில் குடிநுழைவுத்துறை மேற்கொண்ட சோதனையில் ஒழுங்கீன நடவடிக்கைகளில் ஈடுபட்டதாக சந்தேகிக்கப்படும் 54 அந்நிய நாட்டுப் பெண்கள் தடுத்து வைக்கப்பட்டுள்ளனர்.
நேற்று முன்தினம் இரவு மேற்கொள்ளப்பட்ட இச்சோதனையில் 19 க்கும் 49 க்கும் இடைப்பட்ட வயதுடைய மொத்தம் 63 பேர் கைது செய்யப்பட்டனர்.
வியட்நாமை சேர்ந்த 48 பெண்கள், இரண்டு ஆண்கள், 3 தாய்லாந்துப் பெண்கள், இந்தோனேசியாவைச் சேர்ந்த ஓர் ஆடவர் , ஒரு பெண்,இரண்டு சீனப்பிரஜைகள், மூன்று நேபாளியப் பிரஜைகள் ஆகியோர் கைது செய்யப்பட்டவர்களில் அடங்குவர் என்று ஜோகூர் மாநில குடிநுழைவுத்துறை இயக்குநர் பஹ்ருட்டின் தாஹிர் தெரிவித்துள்ளார்.
