பகாங், ஏப்ரல் 09-
பகாங், டெமெர்லோஹ்-விலுள்ள எக்ஸ்போ கண்காட்சி ஒன்றில், காதலியுடன் சுற்றித்திரிந்த தனது கணவரை, மனைவி ஆத்திரத்தில் தாக்கியுள்ளார். அது தொடர்பான காணொலியை அவரின் இன்ஸ்டாகிராம் அகப்பக்கத்தில் பகிர்ந்துள்ளது பரவலாகிவருகின்றது.
சம்பந்தப்பட்ட கணவரும் அவரது காதலியும் கைகளைப் பிடித்தவாறு நடந்து செல்வதை பின்னாளிலிருந்து காணொலியாக பதிவு செய்துவரும் மனைவி, சம்பந்தப்பட்ட பெண்ணிடம், அவ்வாடவர் தனது கணவர் என்றும் இத்தகைய உறவு இருப்பது தமக்கு தெரியாது என்றும் முறையிட்டுள்ளார்.
அதனை பொருட்படுத்திக்கொள்ளாத அப்பெண் வெறும் புன்னகையை மட்டும் பதிலாக தருகிறார். வைரலாகிய காணொலி பதிவின் கீழ் கருத்துகளை பதிவிட்டுள்ள வலைத்தளவாசிகள், அந்த பெண்ணையும் ஆடவரையும் கடுமையாக சாடி வருகின்றனர்.
இன்று காலை மணி 10 வரையில் சுமார் 500 ஆயிரம் பேர் அந்த காணொலியைப் பார்வையிட்டுள்ளதாக தெரியவந்துள்ளது.
