இன்று அதிகாலை 1.00 மணியளவில் சுங்கைப்பட்டாணி கோத்தா கோலாமூடா, சுங்ஙை எமாஸ் ஸில் 8 கடை வீடுகள் தீப்பற்றிக் கொண்டன.
இச்சம்பவத்தில் இருவர் உயிரிழந்தனர். தகவல் கிடைத்து சம்பவ இடத்திற்கு விரைந்த தீக்காம் பத்து நிலையத்தைச் சேர்ந்த வீரர்கள் முழு வீச்சில் தீயை கட்டுப்படுத்த முற்பட்ட போதிலும் கொழுந்து விட்டு எரிந்த தீயை அணைப்பதற்கு பினாங்கு தீயணைப்பு நிலையத்தின் உதவியை நாடினர் என்று தீயணைப்பு படையின் முதிர்நிலைய அதிகாரி அவாங் ஹிட்செல் அவாங் பூஜாங் தெரிவித்தார்.
இத்தீ சம்பவத்தில் மூன்று பேர் சிக்கிக் கொண்ட போதிலும் ஒருவர் மீட்கப்பட்ட நிலையில் இருவர் உயிரிழந்தனர்.
அதிகாலை 1.00 மணியளவில் நிகழ்ந்த இச்சம்பவத்தில் எட்டு கடைகள் கிட்டத்தட்ட 80 விழுக்காடு அழிந்தன. முதல் சடலம் காலை 3.19 மணியளவில் மீட்கப்பட்ட நிலையில் மற்றொரு சடலம் காலை 6.00 மணியளவில் மீட்கப்பட்டதாக அவர் குறிப்பிட்டார். தீ ஏற்பட்டதற்கான காரணங்கள் ஆராயப்பட்டு வருவதாக அவர் குறிப்பிட்டார்.
