சுபாங், ஏப்ரல் 26-
சுபாங், சுல்தான் அப்துல் அஜிஸ் ஷாஹ் விமான நிலையத்தில் Diamond DA-42 வகையை சேர்ந்த இலகு ரக விமானம் ஒன்று, இன்று வெள்ளிக்கிழமை காலையில் அவசரமாக தரையிறங்கியது. அந்த இலகு ரக விமானத்திலிருந்து அவசர அழைப்பை பெற்ற விமான நிலைய கட்டுப்பாட்டு கோபுரம், அந்த இலகு ரக விமானம் அவசர தரையிறக்கத்திற்கு ஏதுவாக மற்ற விமானங்களுக்கு ஓடு பாதை தற்காலிகமாக மூடப்பட்டது.
இரண்டு விமானிகளை உள்ளடக்கிய அந்த இலகு ரக விமானம் காலை சரியாக 8.28 மணிக்கு பாதுகாப்பாக தரையிறங்கியது. அதன் பின்னரே மற்ற விமானங்கள் தரையிறங்குவதற்கு ஓடுபாதை திறக்கப்பட்டது. அந்த இலகு ரக விமானம் அவசர தரையிறக்கத்திற்கான காரணங்களை போக்குவரத்து அமைச்சின் வான்போக்குவரத்து விபத்து புலனாய்வுப்பிரிவு ஆராய்ந்து வருகிறது.
