மொரீஷியஸின் சர் சீவூசகூர் ராம்கூலம் அனைத்துலக விமான நிலையத்தில் 76.14 கிலோ எடையுள்ள கஞ்சா எனச் சந்தேகிக்கப்படும் போதைப்பொருளுடன் மூன்று மலேசியர்கள் கைது செய்யப்பட்டுள்ளனர்.
22 மற்றும் 30 வயதுடைய இரு ஆண்களும், 18 வயதுடைய பெண் ஒருவரும் கடந்த நவம்பர் 2-ஆம் தேதி துபாயிலிருந்து எமிரெட்ஸ் விமானம் மூலம் மொரீஷியஸ் வந்துள்ளனர்.
அவர்களிடம் நடத்தப்பட்ட சோதனையில் பயணப் பெட்டிகளுக்குள் வெற்றிட முறையில் அடைக்கப்பட்ட 70 கருப்பு நிறப் பைகளில் பச்சை இலைகள் கண்டுபிடிக்கப்பட்டன.
அவை கஞ்சா எனச் சந்தேகிக்கப்படுவதாகவும், மூவரையும் அதிகாரிகள் கைது செய்து விசாரணை நடத்தி வருவதாகவும் மொரீஷியஸ் வருவாய் ஆணையம் தெரிவித்துள்ளது.
