பிகேஆர் கட்சியின் எதிர்காலம் குறித்த ரஃபிஸி ரம்லியின் கவலைகளை நிராகரித்துள்ள அக்கட்சியின் மகளிர் உதவித் தலைவர் லோ கெர் சியான், கட்சியின் பலம் எந்தவொரு தனிநபரையும் சார்ந்தது அல்ல என்று கூறியுள்ளார்.
கட்சியின் தலைவர் டத்தோஸ்ரீ அன்வார் இப்ராஹிம் 'ரெஃபோர்மாசி' இயக்கத்தின் அடையாளமாகத் திகழ்ந்தாலும், அந்த அடையாளமே ஒட்டுமொத்தக் கட்சி ஆகிவிடாது என அவர் சுட்டிக்காட்டினார். கட்சியின் எதிர்காலத் தலைவர்கள் பற்றாக்குறை என்ற கூற்றை மறுத்த லோ, தலைவர்கள் வருவார்கள் போவார்கள், ஆனால் நீதி மற்றும் நல்நிர்வாகத்திற்கான ரெஃபோர்மாசி போராட்டம் தொடரும் என்றார்.
முன்னதாக, பிகேஆர் கட்சி தன்னை மறுசீரமைப்பு செய்யத் தவறினால் அது அழிவைச் சந்திக்கும் என, தற்போது 'பார்ட்டி பெர்சாமா மலேசியா' கட்சியின் தலைவரான ரஃபிஸி ரம்லி விமர்சித்திருந்தார்.
