நவீன தொழில்நுட்பத்தை பயன்படுத்தி ஓன்லைன் மோசடியில் ஈடுபட்டு வந்ததாக நம்பப்படும் 44 பேர் கைது செய்யப்பட்டுள்ளர். கோலாலம்பூர், ஜாலான் துன் ரசாக் அடுக்குமாடி வீடமைப்புப்பகுதியில் போலீசார் மேற்கொண்ட திடீர் சோதனை நடவடிக்கையில் இந்த 44 பேரும் வளைத்துப் பிடிக்கப்பட்டதாக டாங் வாங்கி மாவட்ட போலீஸ் தலைவர் அசாரி அபு சாமா தெரிவித்தார்.
20க்கும் 38 க்கும் உட்பட்ட வயதுடைய 15 ஆடவர்களும் 9 பெண்களும் முதலாவது நடவடிக்கையில் கைது செய்யப்பட்ட வேளையில் எஞ்சியுள்ளவர்கள் இரண்டாவது நடவடிக்கையில் கைது செய்யப்பட்டதாக அவர் குறிப்பிட்டார். இந்த கைது நடவடிககையின் மூலம் 33 கைப்பேசிகள், 19 மடிக்கணினிகள் உட்பட ஓன்லைன் மோசடிக்கு அவர்கள் பயன்படுத்திய இதரப் பொருட்கள் கைப்பற்றப்பட்டுள்ளதாக அவர் தெரிவித்தார்.
