ஈப்போஇ,பிப்.8
பதினாறு வயது பள்ளி மாணவியை பாலியல் பலாத்காரம் செய்ததாக சார்ஜன் அந்தஸ்தில் உள்ள போலீஸ் அதிகாரி ஒருவர் ஈப்போ செஷன்ஸ் நீதிமன்றத்தில் இன்று குற்றஞ்சாட்டப்பட்டார்.
42 வயது ஷாரில் அமிர் ஷாரி என்ற அந்த போலீஸ் அதிகாரி, நீதிபதி ஐனுன் ஷரின் முஹமாட் முன்னிலையில் நிறுத்தப்பட்டு, குற்றச்சாட்டு வாசிக்கப்பட்டது.
அந்த போலீஸ் அதிகாரி கடந்த ஜனவரி 12 ஆம் தேதி மாலை 4.00 மணியளவில் ஈப்போ, செரி இஸ்கன்டாரில் உள்ள ஒரு பேரங்காடி மையத்தின் முன்புறம் உள்ள கார் நிறுத்தும் இடத்தில் காருக்குள் அந்த நான்காம் படிவ மாணவியை பாலியல் பலாத்காரம் செய்ததாக குற்றச்சாட்டில் தெரிவிக்கப்பட்டது.
குற்றவாளி என்று நிரூபிக்கப்பட்டால் கூடிய பட்சம் 20 ஆண்டு சிறை மற்றும் பிரம்படித் தண்டனை விதிக்க வகை செய்யும் குற்றவியல் சட்டம் 376 பிரிவின் கீழ் அந்த போலீஸ் அதிகாரி குற்றச்சாட்டை எதிர்நோக்கியுள்ளார்.
