கோலாலம்பூர், மார்ச் 30-
போலீசார் மேற்கொண்ட அதிரடி நடவடிக்கையில் கொள்ளையர்கள் என்று சந்தேகிக்கப்படும் ஐந்து நபர்களை சுட்டுக்கொன்றனர்.
நேற்று இரவு 11.30 மணியளவில் சிலாங்கூர், Putra Heights-ஸில் ஆயுதத்துடன் கெள்ளையடிக்கும் முயற்சியில் ஈடுபட்டதாக நம்பப்படும் அந்த 5 நபர்கள், சென்ற சந்தேகத்திற்குரிய வாகனத்தை தடுத்து நிறுத்தும் முயற்சியில் போலீசார் ஈடுபட்ட போது நடந்த துப்பாக்கிச் சண்டையில் அந்த ஐந்து நபர்களும் சம்பவ இடத்திலேயே சுட்டுக்கொல்லப்பட்டனர் என்று சிலாங்கூர் மாநில போலீஸ் தலைவர் டத்தோ ஹுசைன் ஓமர் கான் குறிப்பிட்டார்.
அந்த ஐந்து கொள்ளையர்களின் வாகனத்தை தடுத்து நிறுத்தும் முயற்சியின் போது சம்பந்தப்பட்ட கொள்ளையர்கள், போலீசாரை நோக்கி துப்பாக்கி பிரயோகத்தை நடத்தியதாகவும், போலீசார் பதிலடித் தாக்குதலை நடத்திய போது அவர்கள் சுட்டுக்கொல்லப்பட்டதாகவும் டத்தோ ஹுசைன் ஓமர் குறிப்பிட்டார்.
இந்த துப்பாக்கிக்சூட்டுச் சம்பவம் தொடர்பான முழு விபரங்கள் இன்று நடைபெறும் செய்தியாளர்கள் கூட்டத்தில் விளக்கம் அளிக்கப்படும் என்று டத்தோ ஹுசைன் ஓமர் தெரிவித்துள்ளார்.
