கோலாலம்பூர், மார்ச் 14 -
கடந்த சனிக்கிழமை ரோஹிங்யா மாது மீது பெட்ரோல் ஊற்றி தீயிட்ட சம்பவம் தொடர்பில் சந்தேகத்தின் பேரில் மியன்மார் பிரஜை ஒருவரை போலீசார் கைது செய்துள்ளனர்.
36 வயதுடைய அந்த மியன்மார் பிரஜை, செராஸில் வளைத்துப்பிடிக்கப்பட்டதாகவும், விசாணைக்கு ஏதுவாக அவரை 7 நாட்களுக்கு தடுப்புக்காவலில் வைப்பதற்கு போலீசார் நீதிமன்ற ஆணையைப் பெற்றுள்ளதாக செராஸ் மாவட்ட போலீஸ் தலைவர் சாம் ஹலிம் ஜமாலுடின் தெரிவித்தார்.
தவிர இச்சம்பவத்தில் சம்பந்தப்பட்டுள்ளதாக சந்தேகிக்கப்படும் மற்றொரு மியன்மார் பிரஜையான ஒரு பெண்ணை போலீசார் தேடி வருவதாக அவர் குறிப்பிட்டார்.
