பெட்டாலிங் ஜெயா, ஏப்ரல் 13-
சீனாவின் விலை உயர்ந்த சொகுசு காரான ஹோங்க்கி 1.5 ரக காரை மலேசிய மாமன்னர் சுல்தான் இப்ராஹிம் வாங்கியுள்ளார். சீனாவின் கார் வெளியீட்டு நிறுவனமான FAW Group தயாரித்துள்ள விலை உயர்ந்த, ஆடம்பரமான புதிய ரக காரை பெறும் தனிநபர்களில் உலகின் முதல் பிரமுகராக மாமன்னர் சுல்தான் இப்ராஹிம் விளங்குகிறார்.
மலேசியாவிற்கான சீன நாட்டுத் தூதர்ஒவுயாங் யுஜிங்- வுடன் நேற்று காலையில் நடந்த சந்திப்பின் போது மாமன்னர் சுல்தான் இப்ராஹிம் Retro பாணியில் அந்த சொகுசு காரின் புகைப்படங்களை பகிர்ந்து கொண்டார்.
சீன நாட்டு பணத்தில் 5 மில்லியன் Yuan என்ற அளவில் மலேசிய ரிங்கிட் மதிப்பில் 3.29 மில்லியன் வெள்ளி விலையில் வாங்குவதற்கு இதுவரை கிடைக்கப்பெறாத சீனத் தயாரிப்பிலான மிக விலை உயர்ந்த காராக இது விளங்குகிறது.
சீனாவில் இவ்வகை கார் அதிபர் க்ஸி ஜின்பிங் பயன்படுத்தும் அதிகாரப்பூர்வ காராக விளங்கி வருகிறது. பிரசித்தி பெற்ற பழங்கால வாகனங்களான செடான் தற்போது சீனாவில் மட்டுமே கிடைக்கின்றன.
