கோலகுபு பாரு இடைத் தேர்தலில் பெரிக்காத்தான் நேஷனலில் ஓர் உறுப்புக்கட்சியாக விளங்கும் பாஸ், தனது கூட்டணி வேட்பாளரை ஆதரிக்கும் தேர்தல் பிரச்சாரத்தை புறக்கணித்து வருகிறது என்று கூறப்படுவதை பெரிக்காத்தான் நேஷனலின் சிலாங்கூர் மாநிலத் தலைவர் அஸ்மின் அலி மறுத்துள்ளார்.
இந்த இடைத் தேர்தலில் பெரிக்காத்தான் நேஷனல் வேட்பாளரை ஆதரித்து பாஸ் கட்சியின் தேர்தல் இயக்குநர் சனுசி நோர் இரண்டு நாள் பிரச்சாரம் செய்துள்ளார். பாஸ் கட்சியின் துணைத் தலைவர் துவான் இப்ராஹிம் துவான் மான் மற்றும் உதவித் தலைவர் இட்ரிஸ் அகமது இன்றிரவு பிரச்சாரத்தல் ஈடுபட்டு இருப்பதை அஸ்மின் அலி சுட்டிக்காட்டினார்.
இந்த இடைத் தேர்தலில் பெரிக்காத்தான் நேஷனல் வேட்பாளராக போட்டியிடும் பெர்சத்து கட்சியின் உலு சிலாங்கூர் தொகுதி இடைக்காலத் தலைவர் கைருல் அஸ்ஹரி-யை ஆதரித்து பாஸ் கட்சித் தலைவர்கள் பிரச்சாரம் செய்யவில்லை என்றும், புறக்கணிக்கிறது என்றும், கூறியிருக்கும் பிகேஆர் கட்சியின் தகவல் பிரிவுத் தலைவர் ஃபாமி ஃபட்சில் கூற்றில் உண்மையில்லை என்று அஸ்மின் அலி விளக்கினார்.
