Nov 21, 2026
Thisaigal NewsYouTube

ஜோ லோவுக்கு எதிரான கைது உத்தரவும், இண்டர்போல் சிவப்பு அறிவிப்பும் தொடர்ந்து அமலில் உள்ளது / சிங்கப்பூர் அதிகாரிகள் தகவல்

திசைகள் செய்திப்பிரிவு
Share:
ஜோ லோவுக்கு எதிரான கைது உத்தரவும், இண்டர்போல் சிவப்பு அறிவிப்பும் தொடர்ந்து அமலில் உள்ளது / சிங்கப்பூர் அதிகாரிகள் தகவல்

1எம்டிபி ஊழல் விவகாரத்தில், மலேசியாவிற்கு பில்லியன் கணக்கில் இழப்பை ஏற்படுத்தியதாக குற்றஞ்சாட்டப்பட்டுள்ள தொழிலதிபர் ஜோ லோவுக்கு எதிராக பிறப்பிக்கப்பட்ட கைது உத்தரவு இன்னும் அமலில் இருப்பதாக சிங்கப்பூர் போலீசார் தெரிவித்துள்ளனர்.

தலைமறைவாகியுள்ள ஜோ லோ, அமெரிக்க அதிபர் டொனால்ட் டிரம்பிடம் பொதுமன்னிப்பு கோரியிருந்தாலும் கூட, அவரது நெருங்கிய கூட்டாளியான டான் கிம் லுங் ஆகியோருக்கு எதிரான கைது உத்தரவுகளும், இன்டர்போல் சிவப்பு அறிவிப்புகளும் தொடர்ந்து அமலில் உள்ளதாக சிங்கப்பூர் போலீசார் வெளியிட்டுள்ள அறிக்கையில் குறிப்பிட்டுள்ளனர்.

மேலும், 1எம்டிபி ஊழல் விவகாரத்துடன் தொடர்புடைய பல சொத்துகள் இன்னும் சிங்கப்பூர் அதிகாரிகளால் பறிமுதல் செய்யப்பட்ட நிலையிலோ அல்லது விற்பனை செய்யத் தடை விதிக்கப்பட்ட நிலையிலோ இருப்பதாக அந்நாட்டு போலீசார் தெரிவித்துள்ளனர்.

கடந்த 2024-ஆம் ஆண்டு ஜூலை நிலவரப்படி, மொத்தம் 164 மில்லியன் சிங்கப்பூர் டாலர் மதிப்பிலான சொத்துகள் பறிமுதல் செய்யப்பட்டு அவற்றை விற்பனை செய்வதற்கு தடை விதிக்கப்பட்டுள்ளதாகத் தெரிவிக்கப்பட்டுள்ளது.

அவற்றில், 101 மில்லியன் சிங்கப்பூர் டாலர்கள் மதிப்பிலான சொத்துகள் நேரடியாக ஜோ லோ மற்றும் அவரது குடும்பத்தினருடன் தொடர்புடையவை என சிங்கப்பூர் அதிகாரிகள் குறிப்பிட்டுள்ளனர்.

இந்நிலையில், அமெரிக்கா மற்றும் மலேசிய விசாரணை அதிகாரிகளின் குற்றச்சாட்டின் படி, அரசுக்குச் சொந்தமான 1 மலேசியா டெவலப்மெண்ட் பெர்ஹாட் முதலீட்டு நிதியிலிருந்து பல பில்லியன் டாலர்கள் முறைகேடாக கையாடப்பட்ட விவகாரத்தில், முக்கிய மூளையாக ஜோ லோ செயல்பட்டதாக குற்றஞ்சாட்டப்பட்டுள்ளது.

மேலும், போலி நிறுவனங்களின் வலையமைப்பின் மூலம் அந்த நிதி திருப்பி விடப்பட்டதாக கூறப்படும் நிலையில், கடந்த 2015-ஆம் ஆண்டு முதல் தலைமறைவாக உள்ள ஜோ லோ அனைத்து குற்றச்சாட்டுகளையும் தொடர்ந்து மறுத்து வருகின்றார்.

இதனிடையே, ஜோ லோவின் பொதுமன்னிப்பு விவகாரத்தில் அண்மையில் கருத்துத் தெரிவித்த பிரதமர் டத்தோஸ்ரீ அன்வார் இப்ராகிம், ஜோ லோவின் எந்த ஒரு மன்னிப்புக் கோரிக்கையையும் அரசாங்கம் பரிசீலிக்காது எனத் திட்டவட்டமாகத் தெரிவித்துள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

நெகிரி செம்பிலான் அரசியல்  நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

நெகிரி செம்பிலான் அரசியல் நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்