எதிர்மறையான விளைவுகளை ஏற்படுத்தலாம்

நீதிமன்றத்தில் இரண்டு குற்றவியல் வழக்குகளை எதிர்நோக்கியிருக்கும் கெடா மாநில மந்திரி பெசார் முகமட் சனூசி முகமட் ​நூர், நேற்று அமைக்கப்பட்ட பாஸ் க​ட்சி தலைமையிலான பெரிக்காத்தான் நேஷனலின் கெடா மாநில ஆ​ட்சிக்குழுவில் தான் ஒருவரே 8 இலாாக்களை ஆக்கிரமித்துக்கொண்டது, மாநில நிர்வாகத்தில் எதிர்மறையான தாக்கத்தை ஏற்படுத்தலாம் ​என்று ஆய்வாளர்கள் கூறுகின்றனர்.

அந்த எட்டு இலாக்காக்களும் ​ கெடா மாநில ஆட்சியை முன்னெடுப்பதற்கு மிக முக்கியத்துவம் வாய்ந்த துறைகளாக இருப்பதா​ல் சனூசி ஒருவரே அந்த எட்டு துறைகளையும் கபலிகரம் புரிந்து இருப்பது மாநில நிர்வாகத்தில் பல்வேறு அசெகரியங்களுக்கு வித்திடலாம் என்று ஆய்வார்கள் கூறுகின்றனர்.

10 ஆட்சிக்குழு உறுப்பினர்களை கொண்ட கெடா மாநில ஆட்சிக்குழுவில் டான்ஸ்ரீ முகை​தீன் யாசின் தலைமையிலான பெர்சத்து கட்சிக்கு வெறும் 3 இடங்களே வழங்கப்பட்டுள்ளதாக கூறி, பெரிக்கத்தான் நேஷனல் கூட்டணியில் புகைச்சல் ஏற்பட்டுள்ளது. ஒருவரே எட்டு இலாக்காளை கைப்பற்றி இருப்பது அக்கூட்டணியில் பிளவையும் , பேதங்களையும் ஏற்படுத்தலாம் என்று கூறப்படுகிறது.

கெடா மாநில திட்டமிடல் துறை , நில விவகாரத்துறை, கனிம மற்றும் ​பூவியியல் துறை, நில விளைச்ச​ல் துறை, நிதித்துறை , மாநில அரசு சார்பு நிறுவனங்கள், மாநில பொருளாதார நடவடிக்கை மன்றம் மற்றும் 2035 ஆம் ஆண்டுக்கான கெடா மாநில மேம்பாட்டுத்துறை ஆகிய எட்டுத்துறைகளை சனூசி கைப்பற்றியுள்ளார்.