வறிய நிலையில் உள்ள மக்களுக்காக அரசாங்கம் அறிமுகப்படுத்தியுள்ள 5 வெள்ளி உணவு முறையான Menu Rahmah, தற்போது 1,531 வர்த்தகத் தலங்களில் விற்பனை செய்யப்படுவதாக உள்நாட்டு வாணிபம் மற்றும் வாழ்க்கைச் செலவினத்துறை அமைச்சர் Salahuiddin Ayub தெரிவித்துள்ளார்.
சாதத்துடன் ஒரு காய்கறி, ஒரு மீன் அல்லது கோழித் துண்டை உள்ளடக்கிய Menu Rahmah உணவை விற்பனை செய்யும் வர்த்தகத் தலங்களின் எண்ணிக்கை மேலும் அதிகரிக்கக்கூடிய சாத்தியம் இருப்பதாக அவர் குறிப்பிட்டார். மக்கள் அளித்து வரும் ஆதரவின் காரணமாக அந்த விநியோகச் சங்கிலி, விஸ்தரிக்கப்படும் என்று அமைச்சர் விளக்கினார்.
