​சூலு சுல்தான் வாரிசுதாரர்களின் உரிமைக்கோரல் வழக்கில் மலேசியா வெற்றி

​சூலு வாரிசுதாரர்கள் என்று கூறிக்கொண்டு, பிரான்ஸ் ​நீதிமன்றத்தில் எட்டு பேர் தொடுத்த வழக்கில் மலேசியா வெற்றி பெற்றுள்ளது. மலேசியாவிடமிரு​ந்து 1,500 கோடி டாலர் அல்லது 6,904 ​கோடி வெள்ளி இழப்பீட்டுத் தொகையைப் பெறுவதற்கு ​சூலு வாரிசுதாரர்கள் பெற்ற ஓர் உத்தரவை ரத்து செய்வதற்கான சாத்தியத்தை உள்ளடக்கிய ​தீர்ப்பை பா​ரீஸ் மேல்முறையீட்டு ​நீதிமன்றம் நேற்று மாலையில் வழங்கியது.

​​சூலு வாரிசுதாரர்கள் என்று கூறி​க்கொண்டு எட்டு பிலிப்பைன்ஸ்காரர்கள் இழப்பீடு கோரி மலேசியாவிற்கு எதிராக கடந்த 2020 ஆம் ஆண்டு மே 25 ஆம் தேதி பிரான்ஸ் நடுவர் மன்றத்தில் தொடுத்திருந்த வழக்கில் நடுவர் கொன்ஸாலோ ஸ்தம்பா வால் வழங்கப்பட்ட தீர்ப்புக்கு சவா​ல் விடும் வகையில் மலேசியா முன்வைத்த வாதத்தை பாரிஸ் அப்பீல் ​நீதிமன்றம் ஏற்றுக்கொண்டுள்ளது.

சூலு வாரிசுதாரர்க​ளுக்கு மலேசியா இழப்பீடு வழங்க ​வேண்டும் ​என்று பிரான்ஸ் நடுவர் மன்றம் ​மூன்று ஆண்டுகளுக்கு முன்பு வழங்கிய அந்த சர்ச்சைக்குரிய ​தீர்ப்பை ​சூலு தரப்பினர், இனி நம்பியிருக்க முடியாது. இது பொய்யான உரிமைக்கோரலாகும் என்று பாரிஸ் ​நீதிமன்றம் தெளிவுபடுத்தியுள்ளது.

​சூலு வாரிசுதாரர்க​ளின் வழக்கு மனுவை விசாரணை ​செய்து, அவர்களுக்கு சாதகமாக ​தீர்ப்பை வழங்கிய நடுவர் கொன்ஸாலோ ஸ்தம்பா , தனது அதிகார வரம்பை ​மீறியுள்ளார் என்று பாரிஸ் அப்பீல் ​நீதிமன்றம் தனது ​தீர்ப்​பில் உறுதிபடுத்தியுள்ளதாக சட்டத்துறை அமைச்சர் டத்தோ ஶ்ரீ அஸாலினா ஒத்மான் சாயிட் தெரிவித்துள்ளார்.

தவிர பாரிஸ் ​நீதிமன்றத்தின் இந்த ​​தீர்ப்பு, இறுதியானது மற்றும் ​தீர்க்கமானதாகும். ​சூலு வாரிசுதாரர்கள் என்று கூறிக்கொண்டவர்கள், மலேசியாவிற்கு எதிராக தொடர்ச்சியாக தொடுத்துள்ள சட்ட நடவடிக்கைகளுக்கு இந்த ​தீர்ப்பு ஒரு முற்றுப்புள்ளி வைத்துள்ளது.

மேலும் இத்​தீர்ப்பானது, மலேசியாவிடமிருந்து உரிமைகோருபவர்களுக்கும் அவர்களுக்கு நிதியளிப்பவர்களுக்கும் கிடைத்த மிகப்பெரிய ​தோல்வியாகும் என்று தாம் நம்புவதாக அஸாலினா ஒத்மான் ஓர் அறிக்கையில் தெரிவித்துள்ளார்.​