கோலாலம்பூர், ஜனவரி.11-
பெரிகாத்தான் நேஷனல் கூட்டணியின் புதிய தலைவரை நியமிப்பதில் தங்களுக்குப் பெர்சாத்து கட்சி மதிப்பளிக்க வேண்டும் என்ற கோரிக்கையை, பாஸ் இளைஞர் அணித் தலைவர் அஃப்னான் ஹாமிமி தையிப் அஸாமுடின் கடுமையாகச் சாடியுள்ளார். ஏற்கனவே பிரதமர் வேட்பாளரைத் தன்னிச்சையாக அறிவித்த போதும், பெர்லிஸ் முதல்வருக்கு எதிராகச் செயல்பட்ட போதும் பெர்சத்து கட்சி காட்டிய 'மரியாதை' எங்கே போனது என்று அவர் பகிரங்கமாகக் கேள்வி எழுப்பியுள்ளார்.
டான் ஶ்ரீ முஹிடின் யாசின் பெரிக்காத்தான் நேஷனல் கூட்டணியின் தலைவர் பதவியிலிருந்து விலகியதை உறுதிப்படுத்தவும், புதிய தலைவரை நியமிக்கவும் அவசரக் கூட்டத்தைக் கூட்ட வேண்டும் என பாஸ் தலைவர் டான் ஶ்ரீ அப்துல் ஹாடி தற்போது வலியுறுத்தியுள்ளார். "நண்பருக்கு மரியாதை கொடுத்தால் தான் பதிலுக்கு மரியாதை கிடைக்கும்" என்ற அஃப்னான் ஹாமிமியின் காட்டமான கருத்து, கூட்டணியின் இரு முக்கியக் கட்சிகளுக்கும் இடையே நிலவும் அதிகாரப் போராட்டத்தை வெளிச்சம் போட்டுக் காட்டியுள்ளது.
