திங்கட்கிழமை பதவியேற்பு சடங்கு

சிலாங்கூர் மாநில மந்திரி பெசார் மற்றும் ஆட்சிக்குழு உறுப்பினர்களின் பதவியேற்பு சடங்கு வரும் திங்கட்கிழமை நடைபெறும் என்று அறிவிக்கப்பட்டுள்ளது. பதவியேற்பு சடங்கிற்கு , மேன்மை தங்கிய சிலாங்கூர் சுல்தான் ,சுல்தான் ஷராபுதீன் இட்ரிஸ் ஷா அனுமதி அளித்துள்ளார்.

இந்த பதவியேற்பு சடங்கு , நாளை சனிக்கிழமை நடைப்பெறவிருந்த வேளையில் இச்சடங்கு திங்கட்கிழமைக்கு மாற்றப்பட்டுள்ளது. நடந்து முடிந்த சட்டமன்றத் தேர்தலில் சிலாங்கூர் மாநிலத்தில் 56 சட்டமன்றத் தொகுதிகளில் 36 இடங்களை பக்காத்தான் ஹரப்பான் – பாரிசான் நேஷனல் கூட்டணி கைப்பற்றிய வேளையில் பெரிக்காதான் நேஷனல் கூட்டணி 22 இடங்களை கைப்பற்றியுள்ளது.