அம்னோ மகளிர் பிரிவுத் தேர்தலில் அதன் முன்னாள் மகளிர் பிரிவுத் தலைவியும்,முன்னாள் அமைச்சருமான Shahrizat Abdul Jalil தோல்விக் கண்டார். அம்னோ நடப்புத் தலைவி Noraini Ahmad டிடம் 36 வாக்குகள் வித்தியாசத்தில் Shahrizat Abdul Jalil வெற்றி வாய்ப்பை இழந்தார். Parit Sulong நாடாளுமன்ற உறுப்பினருமான Noraini Ahmad டிற்கு, 106 வாக்குகளும், Shahrizat டிற்கு, 70 வாக்குகளும் கிடைத்தன.
பேராளர்களின் முடிவை திறந்த மனதுடன் ஏற்றுக்கொள்ளும் அதேவேளையில் நடப்புத் தலைவி Noraini Ahmad டிற்கு தமது வாழ்த்துகளை தெரிவித்துக்கொள்வதாக Shahrizat கூறினார். மகளிர், குடும்பம் மற்றும் சமூக மேம்பாட்டுத்துறை முன்னாள் அமைச்சரான Shahrizat, அம்னோ மகளிர் பிரிவுத் தலைவியாக 11 ஆண்டுகள் தலைமையேற்றப் பின்னர் கடந்த 2018 ஆம் ஆண்டில் அரசியலிலிருந்து ஓய்வுப்பெற்றார் என்பது குறிப்பிடத்தக்கது.
