கோலாலம்பூர், ஏப்ரல்.19-
டான் ஸ்ரீ முகமட் நோர்சா ஜகாரியா தொடர்ந்து மூன்றாவது முறையாக மலேசிய ஒலிம்பிக் கவுன்சிலின் (OCM) தலைவராகத் தொடர்கிறார். முன்னதாக அவர் 2025-2029 ஆம் தவணைக்கான தலைவர் பதவிக்குப் போட்டியின்றித் தேர்வானார்.
நோர்சாவின் பதவிக்கு போட்டியின்றி போட்டியிட்டாலும், கோலாலம்பூரில் நடைபெற்ற OCM தேர்தலில் பல முக்கியப் பதவிகளுக்குப் போட்டியிடப்பட்டது. குறிப்பாக டான் ஸ்ரீ ஹமிடின் முகமட் அமீன் மீண்டும் தேர்தலில் போட்டியிட வேண்டாம் என்ற முடிவைத் தொடர்ந்து காலியாக இருந்த துணைத் தலைவர் பதவிக்கு கடுமையான போட்டி ஏற்பட்டது.
மலேசிய கராத்தே கூட்டமைப்பு (மக்காஃப்) தலைவர் டத்தோ நூர் அஸ்மி அகமட் அப்பதவிக்குத் தேர்வானார். அவர், லான் பவுல்ஸ் மலேசியா தலைவர் டத்தோ அவலன் அப்துல் அஜிஸைத் தோற்கடித்தார்.
ஐந்து உதவித் தலைவர் பதவிகளுக்கான போட்டியும் கடுமையாக இருந்தது. எழுவர் அதில் களமிறங்கினர்.
டேக்வாண்டோ மலேசியா (டிஎம்) தலைவர் அஜிசுல் அன்னுார் அடேனன் 81 வாக்குகளுடன் முதலிடத்திலும், மலேசிய செபக் தக்ரா அசோசியேஷன் (பிஎஸ்எம்) பிரதிநிதி டத்தோ முகமட் சுமாலி ரெடுவான் 80 வாக்குகளைப் பெற்று அடுத்த இடத்திலும் உள்ளனர்.
மற்ற மூன்று உதவித் தலைவர் இடங்கள் மலேசிய குத்துச்சண்டை சம்மேளனத்தின் (MBF) பிரதிநிதி டத்தோ முகமட் இருவான் சுல்கிப்லி (65 வாக்குகள்), முன்னாள் தேசிய நீச்சல் நட்சத்திரம் நூருல் ஹுடா அப்துல்லா (62), மற்றும் மலேசியாவின் வுஷூ கூட்டமைப்பின் தற்போதைய டத்தோ சோங் கிம் ஃபேட் (56) ஆகியோருக்குச் சென்றது.
