கூச்சிங், ஜூன்.21-
இன்று சரவாக், பெட்ரா ஜெயாவில் நடைபெற்ற ஆசிய ஸ்குவாஷ் சாம்பியன்ஷிப் 2025 இறுதிச் சுற்றில், மலேசியாவின் ரேச்சல் ஆர்னால்ட், ஹாங் காங்கைச் சேர்ந்த ஹோ ஸே லோக்கிடம் தோல்வியடைந்து சாம்பியன் பட்டத்தை வெல்லும் வாய்ப்பை இழந்தார். 35 நிமிடங்கள் நடைபெற்ற பரபரப்பான இறுதிப் போட்டியில், உலகத் தரவரிசையில் 19வது இடத்தில் உள்ள ரேச்சல், ஸே லோக்கிடம் 4க்கு 11, 12க்கு 10, 4க்கு 11, 0க்கு 11 என்ற புள்ளிகள் கணக்கில் 1-3 என்ற விகிதத்தில் தோல்வியடைந்தார்.
இரண்டாவது சுற்றில் கடும் சவால் அளித்த போதிலும், ரேச்சல் எதிராளியின் வேகத்தையும் தந்திரத்தையும் சமாளிக்க முடியாமல் திணறினார், குறிப்பாக கடைசிச் சுற்றில் எந்தப் புள்ளியையும் பெறவில்லை. இந்தப் போட்டியின் தோல்வி, கடந்த முறை மலேசியா வென்றிருந்த மகளிர் சாம்பியன் பட்டத்தை ஹாங் காங் கைப்பற்ற வழிவகுத்தது.
