அமெரிக்க அதிபர் டொனால்ட் டிரம்ப், ஈரானுக்கு எதிராக இதுவரை இல்லாத அளவுக்கு கடுமையான பொருளாதார நடவடிக்கையை தொடங்கப் போவதாக அறிவித்துள்ளார்.
ஈரானுடன் வர்த்தகம் அல்லது நிதி தொடர்பு வைத்திருக்கும் எந்த நாடாக இருந்தாலும், அதன் வங்கிகள், நிறுவனங்கள், விமான நிலையங்கள் மற்றும் அரசு அமைப்புகள் கடுமையான பொருளாதார விளைவுகளை சந்திக்கும் என டிரம்ப் எச்சரித்துள்ளார்.
எண்ணெய் கடத்தல், பணப் பரிமாற்றம், பரிமாற்ற நிறுவனங்கள் மற்றும் போலி நிறுவனங்கள் மூலம் ஈரானுக்கு வழங்கப்படும் அனைத்து உதவிகளையும் உடனடியாக நிறுத்த வேண்டும் என்றும் அவர் கூறியுள்ளார்.
சீனா ஈரானிய எண்ணெயின் முக்கிய கொள்முதலாளியாக இருப்பதால், இந்த நடவடிக்கையால் சீன நிறுவனங்களும் பாதிக்கப்படலாம் என எதிர்பார்க்கப்படுகிறது.
டிரம்பின் அறிவிப்பு, அமெரிக்கா-இஸ்ரேல் மற்றும் ஈரான் இடையிலான போர் மற்றும் ஹோர்முஸ் நீரிணை பதற்றம் நீடிக்கும் நிலையில் வெளியாகியுள்ளது.
