பிரபல வர்த்தகர் லீ கிம் யூவ் திவாலாகிவிட்டார்

மலேசியாவின் பிரபல வர்த்தகர் லீ கிம் யூவ் திவாலாகிவிட்டதாக ஷா ஆலாம் உயர் நீதிமன்றம் பிரகடன்படுத்தியுள்ளது.

பிரபல கான்ரி ஹைட்ஸ் ஹோல்டிங்ஸ் பெர்காட் டின் தோற்றுனரான லீ கிம் யூவ், கடந்த ஜனவரி 26 ஆம் தேதி முதல் திவாலாகிவிட்டதாக நீதிமன்றம் அறிவித்துள்ளது.

நாட்டின் முன்னணி நில அடையாளங்களான சிறப்புப் பொருளாதார, தொழிநுட்ப மண்டலமான எம்.எஸ்.சி. சைபர்ஜெயா , செர்டாங், ஸ்ரீ கெம்பாங்கானில் உள்ள பேலஸ் ஓஃப் கோல்டன் ஹார்ஸ் & தெ மைல்ஸ் இன்டர்நேஷனல் எக்ஸ்போ மற்றும் கொன்வென்ஷன் சென்டர் போன்ற முக்கிய கட்டுமானங்களை நிர்மாணித்த பெருமை லீ கிம் யூவையே சேரும்.

இவர், முன்னாள் பிரதமர் துன் டாக்டர் மகாதீர் முகமதுவின் நெருங்கிய நண்பர் என்பது குறிப்பிடத்தக்கது.