தீபாவளிப் பண்டிகையை அனைவரும் மகிழ்ச்சியுடன் கொண்டாட வேண்டும் என்ற நோக்கில், டாமான்சாரா நாடாளுமன்ற உறுப்பினர் அலுவலகம், 99 ஸ்பீட்மார்ட் நிறுவனத்துடன் இணைந்து நான்காவது ஆண்டாக தீபாவளி உணவுப் பைகள் வழங்கும் திட்டத்தை மீண்டும் முன்னெடுத்துள்ளது.
இதன் மூலம் பெட்டாலிங், கோம்பாக், சுங்கை பூலோ மற்றும் சிப்பாங் ஆகிய பகுதிகளைச் சேர்ந்த பயனாளிகளுக்காக மொத்தம் 800 உணவுப் பைகள் தயாரிக்கப்பட்டுள்ளன.
இந்த உணவுப் பைகள் மூலம் பயனாளிகளின் அன்றாடப் பொருளாதாரச் சுமையைக் குறைக்க முடியும் என்றும், இவ்வாண்டு தீபாவளிப் பண்டிகையை அவர்கள் மகிழ்ச்சியுடனும் உற்சாகத்துடனும் கொண்டாடுவதற்கு உதவியாக இருக்கும் என்றும் தெரிவிக்கப்பட்டுள்ளது.
இந்தத் திட்டம் தொடர்ந்து நான்காவது ஆண்டாக முன்னெடுக்கப்படுவதற்கு 99 ஸ்பீட்மார்ட் நிறுவனத்தின் ஒத்துழைப்பு முக்கியப் பங்காற்றுவதாகவும், அனைவரும் தீபாவளிப் பண்டிகையின் மகிழ்ச்சியைப் பகிர்ந்துகொள்ள வேண்டும் என்பதே இந்த முயற்சியின் நோக்கம் என்றும் இலக்கவியல் அமைச்சரும், அத்தொகுதியின் நாடாளுமன்ற உறுப்பினருமான கோபிந்த் சிங் டியோ தெரிவித்துள்ளார்.
