பேராக் மாநிலம் உலு கிந்தா பகுதியில் இன்று அதிகாலை குடியிருப்புப் பகுதியில் போலீசாருக்கும், சந்தேக நபருக்கும் இடையே நடந்த துப்பாக்கிச் சூட்டில் அந்நபர் சுட்டுக் கொல்லப்பட்டார்.
இச்சம்பவத்தை பேராக் மாநில போலீஸ் தலைவர் டத்தோ முஹமட் அல்வி ஸைனால் அபிடின் உறுதிப்படுத்தியுள்ளார்.
இது தொடர்பாக இன்று பிற்பகல் 2.45 மணியளவில் மாநில போலீஸ் தலைமையகத்தில் சிறப்புச் செய்தியாளர் சந்திப்பு நடைபெறவுள்ளது.
இச்சந்திப்பிற்கு புக்கிட் அமான் குற்றப் புலனாய்வுத் துறை இயக்குநர் டத்தோ எம். குமார் பங்கேற்பார் என எதிர்பார்க்கப்படுகின்றது.
மேலும், சம்பவம் நடந்த இடத்தில் போலீஸ் மற்றும் தீயணைப்பு வாகனங்கள் நிறுத்தப்பட்டுள்ள. ஊடகவியலாளர்கள் உட்பட எவருக்கும் தடுப்புகளைத் தாண்டிச் செல்ல அனுமதி மறுக்கப்பட்டுள்ளது.
இதற்கிடையில், அப்பகுதி குடியிருப்பாளர் ஒருவர் பலத்த வெடிப்புச் சத்தங்களைக் கேட்டதாகவும், அவற்றைப் பட்டாசுச் சத்தம் என முதலில் தவறாக நினைத்ததாகவும் தெரிவித்துள்ளார்.








