எரிபொருள் விலை குறைந்துள்ளது

கோலாலம்பூர், ஜனவரி.07-

எரிபொருள் வாராந்திர விலை நிர்ணயிப்பில் மானியம் அல்லாத பெட்ரோல் ரோன் 95, பெட்ரோல் ரோன் 97 மற்றும் தீபகற்ப மலேசியாவில் டீசல் ஆகியவற்றின் விலை குறைந்துள்ளது.

பெட்ரோல் ரோன் 97, லிட்டருக்கு ஐந்து சென் குறைந்த்துள்ளது. 3 ரிங்கிட் 16 சென்னாக இருந்த ரோன் 97, 3 ரிங்கிட் 11 சென்னாக விலை நிர்ணயிக்கப்பட்டுள்ளது.

மானிய சலுகையற்ற பெட்ரோல் ரோன் 95, லிட்டருக்கு 2 சென் குறைக்கப்பட்டு, 2 ரிங்கிட் 54 சென்னாக விலை நிர்ணயிக்கப்பட்டுள்ளது.

தீபகற்ப மலேசியாவில் டீசல் லிட்டருக்கு 5 காசு குறைக்கப்பட்டு, 2 ரிங்கிட் 89 சென்னாக விலை நிர்ணயிக்கப்பட்டுள்ளது.

மானிய சலுகைக்கு உரிய பெட்ரோல் ரோன் 95 விலையில் எந்த மாற்றமும் இல்லை. அது லிட்டருக்கு ஒரு ரிங்கிட் 99 சென்னுக்கு தொடர்ந்து நிலைநிறுத்தப்பட்டுள்ளது என்று நிதி அமைச்சு தெரிவித்துள்ளது.