தாய்லாந்திலிருந்து மலேசியாவிற்குள் கடத்தப்படவிருந்த 700 கிலோகிராமுக்கும் அதிகமான மெத்தம்பெட்டமைன் போதைப்பொருளைத் தடுத்து நிறுத்திய தாய்லாந்து அதிகாரிகளுக்கு கிளந்தான் மாநில போலீசார் பாராட்டுகளைத் தெரிவித்துள்ளனர்.
இரு நாடுகளின் எல்லைப் பாதுகாப்பு ஒத்துழைப்பு வலுப்பெற்றுள்ளதையே இந்த நடவடிக்கை காட்டுவதாக கிளந்தான் மாநில போலீஸ் தலைவர் டத்தோ முஹமட் யுசோஃப் மாமாட் தெரிவித்துள்ளார்.
போதைப்பொருள் கடத்தலுக்கு தாய்லாந்து ஒரு போக்குவரத்துப் பாதையாகப் பயன்படுத்தப்படுவதையும அவர் சுட்டிக் காட்டியுள்ளார்.
இந்நிலையில், போதைப்பொருள் கடத்தல் மற்றும் எல்லை தாண்டிய குற்றங்களைத் தடுக்க இரு நாட்டு அதிகாரிகளும் சோதனை நடவடிக்கைகளைத் தீவிரப்படுத்தியுள்ளதாக முஹமட் யுசோஃப் மாமாட் குறிப்பிட்டுள்ளார்.








