கோலாலம்பூர் அனைத்துலக விமான நிலையத்துக்கான கேஎல்ஐஏ எக்ஸ்பிரஸ் ரயில் சேவையானது, இன்று காலை புத்ராஜெயா-சைபர்ஜெயா மற்றும் சாலாக் திங்கி ரயில் நிலையங்களுக்கு இடையே கேபிள் துண்டிக்கப்பட்டதால் பாதிக்கப்பட்டது.
இதனையடுத்து, கேஎல் சென்ட்ரல் மற்றும் புத்ராஜெயா-சைபர்ஜெயா நிலையத்துக்கு இடையிலும், அங்கிருந்து கேஎல்ஐஏ முனையம் 2 நிலையத்துக்கும் இடையே மாற்று ரயில் சேவைகளை இயக்குவதாக ரயில் சேவை நிறுவனம் தெரிவித்துள்ளது.
மேலும், பயணிகள் புத்ராஜெயா-சைபர்ஜெயா நிலையத்தில் நடைமேடையை மாற்றி, கேஎல்ஐஏ முனையம் 1 அல்லது 2 அல்லது கேஎல் சென்ட்ரல் நிலையத்துக்குப் பயணிக்க வேண்டும் என்றும், மாற்று ரயில்கள் ஒவ்வொரு 20 நிமிடங்களுக்கும் இயக்கப்படும் என்றும் அந்நிறுவனம் தனது முகநூல் பதிவில் குறிப்பிட்டுள்ளது.
