2026-ஆம் ஆண்டுக்கான எஸ்.பி.எம். தேர்வு தேதியை அறிவிப்பதில் ஏற்பட்ட குழப்பத்திற்காக கல்வி அமைச்சின் தேர்வு வாரியம் இன்று பகிரங்க மன்னிப்பு கேட்டுள்ளது.
நேற்று வெளியிடப்பட்ட தேர்வு தேதிகள் தொடர்பான அறிக்கையால் ஏற்பட்ட குழப்பத்தை தீவிரமாக எடுத்துக்கொண்டுள்ளதாக வாரியம் தெரிவித்துள்ளது. இதுபோன்ற தவறுகள் மீண்டும் நிகழாமல் தகவல்களைச் சரிபார்த்து வெளியிடும் நடைமுறை மேலும் மேம்படுத்தப்படும் என்றும் உறுதியளித்துள்ளது.
2026 எஸ்.பி.எம். தேர்வை நாடு முழுவதும் 4 லட்சத்து 20 ஆயிரத்து 879 மாணவர்கள், 3,334 தேர்வு மையங்களில் எழுதவுள்ளனர்.
இந்த முக்கியத் தேர்வு வரும் நவம்பர் 23 முதல் டிசம்பர் 17 வரை நடைபெறும். சரியான தகவல்களுக்கு தேர்வுகள் வாரியத்தின் அதிகாரப்பூர்வ தேர்வு அட்டவணையையே மாணவர்கள் மற்றும் பெற்றோர் பின்பற்ற வேண்டும் என அறிவுறுத்தப்பட்டுள்ளது.
