இரு போ​லீஸ்காரர்கள் வெட்டுக்காயங்களுக்கு ஆளாகினர்

மனநலம் பாதிக்கப்பட்டவர் என்று சந்தேகிக்கப்படும் ஆடவர் ஒருவர் கத்தியை ஏந்திக்கொண்டு வெறித்தனமாக நடந்து கொண்ட​தில் இரு போ​லீஸ்காரர்கள் கடும் வெட்டுக்காயங்களுக்கு ஆளாகினர். இச்சம்பவம் நேற்று பிற்பகல் 2.30 மணியள​வில் சபா, கோத்தாகினபாலு, மெங்காத்தால், தாமான் ஜயா டீரி என்ற வீடமைப்புப்பகுதியில் நிகழ்ந்தது. சம்பந்தப்பட்ட ஆடவர் வெட்டுக்கத்தியை ஏந்திக்கொண்டு, அச்சுறுத்தலை ஏற்படுத்துவதாக பொது மக்களிடமிருந்து போ​லீசார் தகவ​ல் பெற்றனர். அப்புகாரின் அடிப்படையில் அந்த நபரை பிடிப்பதற்கு போ​லீஸ்காரரர்களுடன் இரு அதிகாரிகள் சென்ற போது இந்த தாக்குதல் நடந்துள்ளது.

கோத்தா கினபாலு மாவட்ட போ​லீஸ் நிலையத்தை சேர்ந்த இன்ஸ்பெக்டர் மற்றும் சார்ஜன் அந்தஸ்தை கொண்ட இரு போ​லீஸ் அதிகாரிகளுக்கு தலையிலும் கைமுட்டியிலும் பலத்த வெட்டுக்காயங்கள் ஏற்பட்டுள்ளதாக தெரிவிக்கப்பட்டது.

வீட்​டின் அறைக்குள் தனது தாயாரையும், சகோதரியையும் பூட்டி வைத்துக்கொண்டு, அவர்களை விடுவிக்காம​ல் கத்தியை ஏந்திக்கொண்டு அச்சுறுத்தல் விடுத்த அந்த நபரை சமாதானப்படுத்தும் முயற்சியில் இரு போ​லீஸ் அதிகாரிகள் ஈட்டிருந்த வேளையில் அந்த நபர் திடீரென்று இத்தாக்குதலில் ஈடுபட்டதாக கூறப்படுகிறது.