விபத்தில் மாது மரணம், எழுவர் காயம்

டிச. 30-

பகாங், ஜாலான் குவந்தான் – சிகமாட் சாலையின் 37 ஆவது கிலோ மீட்டரில் நேற்று இரவு 8.00 மணியளவில் நிகழ்ந்த சாலை விபத்தில் மாது ஒருவர் மரணமுற்றார். இதர மூன்று சிறார்கள் உட்பட எழுவர் காயமுற்றனர்.

இந்த விபத்தில் பெக்கான், சுகாதார கிளினிக்கின் உதவி மருத்துவரான 30 வயது Nur Ezyantie Aliabar என்ற மாது, கடுமையான காயங்களுக்கு ஆளாகி மரணமுற்றதாக பெக்கான் மாவட்ட போலீஸ் தலைவர் Mohd Zaidi Mat Zin தெரிவித்தார்.

இரண்டு வாகனங்கள் சம்பந்தப்பட்ட இந்த விபத்தில் காயமுற்றவர்கள் அனைவரும் பெக்கான் மருத்துவமனையில் சேர்க்கப்பட்டுள்ளதாக அவர் குறிப்பிட்டார்.