பெட்டாலிங் ஜெயா,ஆகஸ்ட் 13-
பாரிஸ், ஒலிம்பிக் போட்டியில், ஆடவருக்கான சைக்கிளோட்ட போட்டியின் கெய்ரின் பிரிவில், மலேசிய வீரர் முஹம்மது ஷா பிர்தௌஸ் சஹ்ரோம் -ம்மை மோதிய ஜப்பான் வீரர் SHINJI NAKANO-வை, மலேசியாவைச் சேர்ந்த வலைத்தளவாசிகள் கடுமையாக சாடிவருகின்றனர்.
அதன் காரணமாக, தனது இன்ஸ்டாகிராம் கணக்கில், இதர பயனீட்டாளர்கள் கருத்திடும் வசதியை அவர் கட்டுப்படுத்தியுள்ளார்.
சம்பந்தப்பட்ட சைக்கிள் பந்தயத்தில், SHINJI NAKANO நிபுணத்துவத்துடன் நடந்துக்கொள்ளவில்லை என மலேசியர்கள் சாடிவரும் நிலையில், டிக்டோக்கில் அவரது பெயருடைய பக்கத்தில், SHINJI NAKANO மன்னிப்பு கோரிய பதிவு இடம்பெற்றுள்ளது.
ஆயினும், அந்த கணக்கு அவருடையது தானா? என்பது உறுதிபடுத்தப்படவில்லை
