முன்னாள் மசீச கட்சித் தலைவர் லிங் லியோங் சிக் இன்று காலை தனது 82-வது வயதில் காலமானார்.
இத்தகவலை தற்போதைய மசீச தலைவர் வீ கா சியோங் உறுதிப்படுத்தியுள்ளார்.
மறைந்த லிங் லியோங் சிக் அரசாங்கத்தில் பல முக்கிய பதவிகள் வகித்துள்ளார்.
குறிப்பாக 1986 முதல் 2003-ஆம் ஆண்டு வரையில் போக்குவரத்து அமைச்சராக பதவி வகித்த அவர், அதே காலக்கட்டத்தில் மசீச கட்சித் தலைவராகவும் செயல்பட்டார்.
கோலாகங்சார் பகுதியில் பிறந்த அவர், ராயல் மிலிட்டரி கல்லூரியில் கல்வி பயின்றார்.
கடந்த 1974-ஆம் ஆண்டு மாதா கூச்சிங் என்றழைக்கப்பட்ட தற்போதைய பாகன் தொகுதியில் நாடாளுமன்ற உறுப்பினராக தேர்ந்தெடுக்கப்பட்ட அவர், 1978 மற்றும் 1982-ஆம் ஆண்டு தேர்தல்களிலும் தனது இடத்தை தக்க வைத்தார்.
பின்னர் 1986-ஆம் ஆண்டு லாபிஸ் தொகுதியின் நாடாளுமன்ற உறுப்பினராக தேர்ந்தெடுக்கப்பட்டு, தொடர்ந்து நான்கு முறை அப் பதவியைத் தக்க வைத்தார் என்பது குறிப்பிடத்தக்கது.
