நஜீப் விடுதலையை ஆதரித்தால் பி.கே.ஆர் கட்சி ஆதரவை இழக்கலாம்

அம்னோ​வின் ஆதரவுடன் ஆட்சிக்கட்டிலில் அமர்ந்துள்ள டத்தோஸ்ரீ அன்வார் இப்ராஹிம் தலைமையிலான பக்காத்தான் ஹராப்பான் கூட்டணி, முன்னாள் பிரதமர் டத்தோஸ்ரீ நஜீப் துன் ரசாக்கின் அரச மன்னிப்பை ஆதரிக்குமானால் அக்கூட்டணி தனது செல்வாக்கை இழக்கக்கூடும் என்று பி.கே.ஆர். கட்சியின் பா​சீர் கூடாங் எம்.பி. ஹசான் அப்துல் கரிம் எச்சரித்துள்ளார்.

தற்போது 12 ஆண்டு சிறைத் தண்டனையை அனுபவித்து வரும் நஜீப், அரச மன்னிப்பு ​மூலம் விடுதலையாகுவதைப் பெரும்பாலான மக்கள் எதிர்க்கின்றனர் என்பதை அண்மையில் நடத்தப்பட்ட ஆய்வுகள் காட்டுகின்றன.

இந்நிலையில் அம்​னோவுடன் ஒரே வாகனத்தில் பயணிக்கும் பக்காத்தான் ஹராப்பான், நஜீப்பின் அரச மன்னிப்பை ஆதரிக்கும் அதேவேளையில், லஞ்ச ஊழல் குற்றச்சாட்டுகளை எதிர்நோக்கி​யுள்ள அம்னோ தலைவர் அகமட் ஜாஹிட் ஹமிடிக்கு எதிரான அனைத்து குற்றச்சாட்டுகளையும் ரத்து செய்யப்படும் நிலை ஏற்படுமானால் அந்தக் கூட்டணியின் செல்வாக்கு சரியலாம் ​என்று ஒரு சட்ட வல்லுநரான ஹசான் அப்துல் கரிம் நினைவுறுத்தினார்.