நேபாளத்தில் ஏற்பட்ட பேரழிவுகரமான வெள்ளத்தில் சிக்காமல், பயணப் பாதையை மாற்றியதால் உயிர் தப்பிய அனுபவத்தை 71 வயது மலேசிய மலையேறியான லோ ஹாக் மெங் பகிர்ந்துள்ளார்.
கடந்த அக்டோபர் 2ஆம் தேதி மலேசியா திரும்பிய அவர், ஆகஸ்ட் 26ஆம் தேதி ஏற்பட்ட பேரிடரைத் தொடர்ந்து தொடர்பு கொள்ள முடியாமல் போன 55 மலேசியர்களில் ஒருவராவார்.
தனியாக மலையேற்றப் பயணத்தை மேற்கொண்ட அவர், தாமாங், லங்தாங் பள்ளத்தாக்கு, கோசைகுண்டா வழியாகச் செல்லத் திட்டமிட்டிருந்தார். பின்னர் பாதையை மாற்றியதால், வெள்ளம் தாக்கிய பகுதியில் சிக்காமல் தப்பினார்.
ஷாபுரு பெசி நகரில் வெள்ளத்தின் பாதிப்புகள், இடிந்து விழுந்த பாலங்கள், மின்சாரத் துண்டிப்பு ஆகியவற்றைக் கண்டதாகவும், தங்கும் விடுதிகள் மூடப்பட்டிருந்ததாகவும் அவர் தெரிவித்தார். பாதையை மாற்றாமல் இருந்திருந்தால், வெள்ளம் தாக்கிய இடத்திலேயே தாம் இருந்திருப்பேன் என்றும் அவர் கூறினார்.
