அவ்விருவரின் கடப்பிதழ்களும் செல்லத்தக்கவையே- உள்துறை அமைச்சர் விளக்கம்

கோலாலம்பூர், நவம்பர்.29-

கோலாலம்பூர் அனைத்துலக விமான நிலையத்தில் காணொளி உள்ளடக்கங்களை உருவாக்குபவர்களான இருவர், பயன்படுத்தியுள்ள கடப்பிதழ்கள், போலியானவை என்று கூறி, வீடியோ ஒன்று வெளியிடப்பட்ட போதிலும் அந்த இருவர் பயன்படுத்திய கடப்பிதழ் செல்லத்தக்கவையே என்று உள்துறை அமைச்சர் டத்தோ ஶ்ரீ சைஃபுடின் நசுத்தியோன் இஸ்மாயில் விளக்கம் அளித்துள்ளார்.

போஸ்னியா மற்றும் ஸீ நாட்டு பிரஜைகளான அவ்விருவரின் கடப்பிதழ்களின் நம்பகத்தன்மை ஆராயப்பட்ட போது அவை உண்மையான ஆவணம் என்பது தெரியவந்துள்ளதாக சைஃபுடின் குறிப்பிட்டார்.

கோலாலம்பூர் அனைத்துலக விமான நிலையத்தில் போலி கடப்பிதழை கொண்டு நான் சாதிப்பேன் என்ற தலைப்பில் அந்த போஸ்னியா பிரஜையும், சீன நாட்டுப் பிரஜையும் வெளியிட்ட காணொளி சமூக ஊடகங்களில் வைரலானது.

மேலும் அவ்விருவரின் கடப்பிதழ்களைச் சோதனை செய்தவர், உதவிப் போலீஸ்காரர் அல்ல, குடிநுழைவு அதிகாரி என்பதையும் சைஃபுடின் விளக்கினார்.