கெடா மாநிலம், அலோர் ஸ்டாரில் குடிநுழைவுத் துறை மேற்கொண்ட ‘ஓப் பிந்து’ நடவடிக்கையில், மனிதக் கடத்தலுக்கு ஆளாகியிருக்கலாம் எனச் சந்தேகிக்கப்படும் 16 இந்தோனேசியப் பெண்கள் மீட்கப்பட்டனர்.
இச்சம்பவம் தொடர்பாக இரு மலேசிய ஆடவர்களும் கைது செய்யப்பட்டுள்ளனர்.
நேற்று நவம்பர் 10-ஆம் தேதி இரவு 11.30 மணியளவில், ஜாலான் கங்சா, தாமான் டேசா பைடுரி பகுதியில் உள்ள ஒரு வளாகத்தில் இந்த அதிரடி நடவடிக்கையானது மேற்கொள்ளப்பட்டது.
இச்சோதனையில் இரண்டு வாகனங்கள், 33 இந்தோனேசியக் கடப்பிதழ்கள் மற்றும் 1 லட்சத்து 22 ஆயிரத்து 598 ரிங்கிட் ரொக்கப் பணம் ஆகியவை பறிமுதல் செய்யப்பட்டன.
மேலும், இந்தச் சம்பவம் மனிதக் கடத்தல் மற்றும் புலம்பெயர்ந்தோர் கடத்தல் தடுப்புச் சட்டம் 2007-இன் கீழ் விசாரிக்கப்பட்டு வருகின்றது.
இந்நிலையில் மீட்கப்பட்ட பெண்களும், கைது செய்யப்பட்ட இரு ஆண்களும் மேலதிக விசாரணைக்காக கெடா மாநில குடிநுழைவுத் துறைக்கு அழைத்துச் செல்லப்பட்டுள்ளதாகத் தெரிவிக்கப்பட்டுள்ளது.
