கார்டினியா (Gardenia) ரொட்டி மற்றும் கேக் வகைகளைச் சாப்பிட்ட சிறார்கள், உடல்நலக் குறைவுக்கு ஆளானதாக எழுந்த புகாரைத் தொடர்ந்து, தங்களது உணவுப் பொருட்கள் பாதுகாப்பானவை என கார்டினியா பேக்கரிஸ் (கேஎல்) செண்டிரியான் பெர்ஹாட் உறுதியளித்துள்ளது.
அங்கீகரிக்கப்பட்ட சுயாதீன ஆய்வகத்தில் மேற்கொள்ளப்பட்ட பரிசோதனைகளில், புகாருக்குள்ளான உணவுப் பொருட்கள் உணவுப் பாதுகாப்புத் தரநிலைகளைப் பூர்த்தி செய்திருப்பது உறுதி செய்யப்பட்டதாகவும் தெரிவிக்கப்பட்டுள்ளது.
மேலும், இந்தப் புகார்கள் தொடர்பான விசாரணையின் ஒரு பகுதியாக, நேற்று சுகாதார அமைச்சைச் சேர்ந்த அதிகாரிகள் தங்களது தொழிற்சாலையை நேரில் ஆய்வு செய்ததாகவும், அங்குள்ள பாதுகாப்பு நடைமுறைகள் குறித்து அதிகாரிகள் திருப்தி தெரிவித்ததாகவும் கார்டினியா விளக்கம் அளித்துள்ளது.
