பள்ளிவாசலில் அரசியல் உரையா? ஜாய்ஸ் விசாரணைக்கு உட்படத் தயார்

ரவாங்கிலுள்ள பள்ளிவாசல் ஒன்றில் தாம் அரசியல்
உரையை நிகழ்த்தியதாக எழுந்துள்ள குற்றச்சாட்டு தொடர்பில் சிலாங்கூர்
இஸ்லாமிய சமய இலாகாவான ஜாய்ஸ், விசாரணைக்கு அழைத்தால்
அவ்விலாகாவுக்கு முழு ஒத்துழைப்பு வழங்கத் தாம் தயாராக உள்ளதாக
தொடர்பு மற்றும் இலக்கவியல் துறை அமைச்சர் ஃபஹ்மி ஃபட்சில்
கூறினார்.

விசாரணைக்கு வரும்படி தாம் பணிக்கப்பட்டால் அதற்கு உடன்பட தாம் தயாராக இருப்பதாக ஃபஹ்மி ஃபட்சில் கு​றிப்பிட்டார். சிலாங்​கூர், கம்போங் மிலாயு ஸ்ரீ குண்டாங் நுருள் யாக்கின் பள்ளிவாசலில் கடந்த
ஞாயிறு அன்று உரை நிகழ்த்திய போது அரசியல் விவகாரங்களை ஃபஹ்மி ஃபட்சில்
தொட்டதாகக் கூறும் தலைப்புடன் அவ​​​ரின் புகை​ப் படத்தை ஊடகங்கள்
வெளியிட்டிருந்தன.

இவ்விவகாரம் தொடர்பில் ஜாய்ஸ் நேற்று முன் தினம் புகாரைப் பெற்றிருந்ததாகவும்
இது குறித்து விளக்கம் பெறுவதற்காக சம்பந்தப்பட்ட பள்ளிவாசலின்
பராமரிப்பாளர் அழைக்கப்பட்டதாகவும் ஊடகச் செய்திகள் கூறின.