கோலகுபு பாரு சட்டமன்றத் தொகுதி இடைத் தேர்தலில் பக்காத்தான் ஹராப்பான் சார்பில் போட்டியிடும் DAP- வேட்பாளர் Pang Sock Tao-வை ஆபாசத் தன்மையில் விமர்சனம் செய்து காணொளி வெளியிட்டுள்ள BERSATU கட்சியின் உச்ச மன்ற உறுப்பினர் Dr Afif Bahardin- னை ஒற்றுமை அரசாங்கத்தின் பேச்சாளரும், தொடர்புத்துறை அ மைச்சருமான Fahmi Fadzil இன்று சாடினார்.
கோலகுபு பாரு தொகுதியில் DAP வேட்பாளராக களம் இறக்கப்பட்டு இருக்கும் வீடமைப்பு ஊராட்சித்துறை அமைச்சர் Nga Kor Ming-கின் உதவியானரான Pang Sock Tao, அமைச்சருடன் மிக நெருக்கமான தொடர்பில் இருக்கும் பினாமி என்று Dr Afit Bahardin வர்ணித்து இருப்பது கண்டிக்கத்தக்க செயலாகும் என்று Fahmi Fadzil குறிப்பிட்டுள்ளார்.
ஓர் மருத்துவராக செயலாற்றி வரும் Dr Afif Bahardin- க்கு தெளிவான சிந்தனையும் பார்வையும் இருக்க வேண்டும். ஒரு பெண் மீது கண்மூடித்தனமான குற்றச்சாட்டை அள்ளித் தெளிக்க வேண்டாம் என்று Fahmi Fadzil கேட்டுக்கொண்டார்.
