ஜன.6-
Mentega Terbang ' எனும் மலேசியத் திரைப்படத்தின் திரையிடலும் விளம்பரத் தடைக்கும் எதிரான இயக்குநனர் Mohd Khairianwar Jailani , தயாரிப்பாளர் Tan Meng Kheng ஆகியோரின் நீதித்துறை மறுஆய்வு விண்ணப்பத்தை உயர் நீதிமன்றம் தள்ளுபடி செய்துள்ளது. அரசாங்கத்தின் தடை நியாயமற்றது எனவும் அரசியலமைப்புச் சட்டத்தின் பேச்சு சுதந்திரத்தை மீறுவதாகவும் மனுதாரர்கள் வாதிட்டனர்.
திரைப்படத்தைத் தடை செய்ததன் மூலம் தங்கள் வருமானம் பாதிக்கப்பட்டுள்ளதாகவும், பொதுமக்களின் கண்டனத்தைத் தொடர்ந்து இந்த நடவடிக்கை எடுக்கப்பட்டதாகவும் மனுதாரர்கள் தெரிவித்தனர். இந்தத் திரைப்படம் மத நம்பிக்கைகளுக்கு முரணான கருத்துக்களைக் கொண்டிருப்பதாகக் குற்றச்சாட்டுகள் எழுந்தன.
நீதிமன்றத்தின் இந்தத் தீர்ப்பை எதிர்த்து மேல்முறையீடு செய்யப்போவதாக மனுதாரர்களின் வழக்கறிஞர் N Surendran தெரிவித்துள்ளார். இந்தத் திரைப்படத்தின் மீதான தடையும் அது தொடர்பான சட்டப் போராட்டங்களும் தொடர்ந்து கவனிக்கப்பட்டு வருகின்றன.
