மலேசியர்களின் குறைந்தபட்ச மாத வருமானம் 4,000 ரிங்கிட்டை எட்டினால், பொருள் மற்றும் சேவை வரியான ஜி.எஸ்.டி.யை மீண்டும் அறிமுகப்படுத்துவது குறித்து அரசாங்கம் பரிசீலிக்கலாம் எனப் பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார்.
தற்போதைய வருமான நிலை போதுமானதாக இல்லாததால், ஜி.எஸ்.டி. வரி பொதுமக்களுக்கு கூடுதல் சுமையை ஏற்படுத்தக்கூடும் என்றும் அவர் விளக்கினார்.
நாடாளுமன்ற மக்களவையில் இன்று நடைபெற்ற பிரதமருக்கான கேள்வி நேரத்தின்போது அவர் இதனைத் தெரிவித்தார்.
தற்போதைய விற்பனை மற்றும் சேவை வரியான எஸ்.எஸ்.டி., பெரும்பாலும் வர்த்தக நிறுவனங்களைப் பாதிக்கிறது என்றும், ஜி.எஸ்.டி. பொதுமக்களையும் நேரடியாகப் பாதிக்கும் என்றும் அன்வார் சுட்டிக் காட்டினார்.
