மலேசியாவுக்கும் சிலி நாட்டிற்கும் இடையிலான நட்புறவை வலுப்படுத்துவதில் சிறப்பான பங்களிப்பு வழங்கிய இரு மலேசியர்களுக்கு, சிலி அரசாங்கம் தனது உயரிய விருதுகளில் ஒன்றான ஆர்டர் ஓஃப் பெர்னார்டோ ஓ’ஹிக்கின்ஸ் (Order of Bernardo O'Higgins) விருதை வழங்கி கௌரவித்துள்ளது.
பினாங்கு மாநிலத்தில், சிலியின் கௌரவத் தூதராகப் பொறுப்பு வகித்து வரும் டத்தின் ஜோலின் தியோ லே ஃபுங் மற்றும் தொழிலதிபர் லியூ தாய் ஷின் ஆகிய இருவருக்கும் இந்த விருதானது வழங்கப்பட்டது.
கடந்த அக்டோபர் 7-ஆம் தேதி, மலேசியாவுக்கான சிலி நாட்டுத் தூதர் ஜேய்ம் முனோஸ் சண்டொவல். Jaime தனது அதிகாரப்பூர்வ இல்லத்தில் நடைபெற்ற நிகழ்ச்சியில் இவ்விருதுகளை வழங்கினார்.
வெளிநாட்டினர் சிலி நாட்டுக்கு ஆற்றிய சேவைகளை அங்கீகரிக்கும் வகையில் வழங்கப்படும் இந்த விருது, கலை, அறிவியல், கல்வி, தொழில்துறை, வர்த்தகம் மற்றும் மனிதாபிமான, சமூக ஒத்துழைப்பு ஆகிய துறைகளில் சிறப்பான பங்களிப்பை வழங்கியவர்களைக் கௌரவிப்பதை நோக்கமாகக் கொண்டுள்ளது.
