கூச்சிங் பகுதியில் கடந்த ஞாயிற்றுக்கிழமை இரவு, 24 மணி நேர கடைகள் மீது இரண்டு தனித்தனி தாக்குதல்கள் நடத்தப்பட்டுள்ளன.
கிங் செண்டர் பகுதியில் இரவு 7.05 மணியளவில் கடைக்குள் பட்டாசுகள் வீசப்பட்ட நிலையில், பின்னர் ஜாலான் கிரின் பகுதியில் உள்ள மற்றொரு கடைக்குள் மர்மப் பொருள் வீசப்பட்டதில் இரண்டு முறை வெடிப்பு ஏற்பட்டு தீப்பற்றியதாக போலீசார் தெரிவித்துள்ளனர்.
முகமூடி அணிந்து, கருப்பு நிற ஆடைகளில் வந்த மர்ம நபர்கள் இந்தத் தாக்குதல்களில் ஈடுபட்டதாக கூச்சிங் மாவட்ட போலீஸ் தலைவர் அலேக்சன் நாகா சாபு தெரிவித்துள்ளார்.
இந்நிலையில் சம்பவ இடங்களில் இருந்து மீட்கப்பட்ட பொருட்களோடு, சிசிடிவி காட்சிகளையும் போலீசார் ஆய்வு செய்து வருகின்றனர்.
இரு சம்பவங்களுக்கும் தொடர்பு உள்ளதா என்பது குறித்தும் விசாரணை நடைபெற்று வருகின்றது.
