நாடாளுமன்றத்தில் சபா, சரவாக் மாநிலங்களுக்கு மூன்றில் ஒரு பங்கு இடங்கள் ஒதுக்கப்படுவது, இரு மாநில மக்களின் குரல்களும் தொடர்ந்து ஒலிப்பதை உறுதிப்படுத்த அவசியம் என பிரதமர் துறை அமைச்சர் முஸ்தாபா சக்மூட் தெரிவித்துள்ளார்.
இன்று மக்களவையில் பேசிய அவர், தீவிரவாதச் சிந்தனைகள் தொடர்ந்து அதிகரித்தால், எதிர்காலத்தில் போர்னியோ மக்களின் உரிமைகளும் கருத்துகளும் புறக்கணிக்கப்படலாம் எனக் கவலை தெரிவித்தார்.
தற்போது 222 நாடாளுமன்ற இடங்களில் சபா மற்றும் சரவாக் மாநிலங்கள் இணைந்து 56 இடங்களை மட்டுமே கொண்டுள்ளன. இது மொத்த இடங்களில் சுமார் 25 விழுக்காடாகும்.
எனவே, மலேசியா ஒப்பந்தம் 1963-க்கு ஏற்ப இரு மாநிலங்களின் நாடாளுமன்றப் பிரதிநிதித்துவத்தை அதிகரிக்க வேண்டியதன் அவசியத்தையும் அவர் வலியுறுத்தினார்.








