நல உதவிகளைப் பெறுவதற்கான குடும்ப வருமான வரம்பை மாதம் 1,236 ரிங்கிட்டிலிருந்து 2,705 ரிங்கிட்டாக உயர்த்த வேண்டும் என்று புக்கிட் பெண்டேரா நாடாளுமன்ற உறுப்பினர் ஷெர்லீனா அப்துல் ரஷிட் வலியுறுத்தியுள்ளார்.
மக்களவையில் 2027 வரவு செலவுத் திட்ட விவாதத்தின்போது பேசிய அவர், தற்போதைய 1,236 ரிங்கிட் என்பது உணவுக்கான வறுமைக் கோட்டை மட்டுமே குறிக்கிறது என்றார். 2024ஆம் ஆண்டின் தேசிய வறுமைக் கோடு 2,705 ரிங்கிட்டாக உள்ள நிலையில், வாடகை, மின்சாரம், போக்குவரத்து, கல்வி மற்றும் மருத்துவச் செலவுகளையும் கணக்கில் கொள்ள வேண்டும் எனக் கேட்டுக் கொண்டார்.
வருமானம் சிறிதளவு உயர்ந்ததற்காக உதவிகளை முழுமையாக நிறுத்தக்கூடாது என்றும், குடும்பத்தின் அளவு, வசிக்கும் இடம், வாழ்க்கைச் செலவு ஆகியவற்றின் அடிப்படையில் தகுதி விதிகளை மறுஆய்வு செய்ய வேண்டும் என்றும் அவர் வலியுறுத்தினார். இதற்கிடையில், 2027ஆம் ஆண்டு சமூக நலத் துறையின் உதவிகளுக்காக அரசாங்கம் ஏறத்தாழ 3.3 பில்லியன் ரிங்கிட்டை ஒதுக்கியுள்ளது.
