மியன்மாருக்குச் சட்டவிரோதமாகத் திரும்ப முயன்றதாகச் சந்தேகிக்கப்படும் 11 மியான்மர் நாட்டவர்களை, கிளந்தான் குடிநுழைவுத் துறை கைது செய்துள்ளது.
வாகாஃப் சே யே பகுதியில் உள்ள ஹோட்டலில் நடத்தப்பட்ட சோதனையில், 10 குடிநுழைவு ஆவணங்கள் இல்லாத வெளிநாட்டினருடன், அவர்களை அழைத்துச் செல்ல ஏற்பாடு செய்ததாக நம்பப்படும் 30 வயதுடைய ஆடவரும் கைது செய்யப்பட்டார்.
ஒவ்வொருவரிடமும் நாட்டைவிட்டு வெளியேறுவதற்காக 3,500 ரிங்கிட் வசூலிக்கப்பட்டதாக முதற்கட்ட விசாரணையில் தெரியவந்துள்ளது. இந்த 11 பேரும் குடிநுழைவுச் சட்டத்தின் கீழ் விசாரிக்கப்படுகின்றனர்.
இதற்கிடையே, குபாங் கிரியான் கட்டுமானத் தளத்தில் நடத்தப்பட்ட மற்றொரு சோதனையில், 57 வெளிநாட்டுத் தொழிலாளர்கள் பரிசோதிக்கப்பட்டு, குடிநுழைவு விதிமீறல் சந்தேகத்தில் 55 பேர் கைது செய்யப்பட்டனர்.
