சுகாதார அமைச்சின் பல்வேறு சேவைப் பிரிவுகளைச் சேர்ந்த 6,724 அதிகாரிகளுக்குப் பதவி உயர்வும், உயர் பதவிகளுக்கான தகுதி உயர்வும் வழங்க ஒப்புதல் அளிக்கப்பட்டுள்ளது.
கடந்த 13ஆம் தேதி, பொதுச் சேவைப் பதவி உயர்வு வாரியம் இந்த ஒப்புதலை வழங்கியதாகச் சுகாதார அமைச்சு தெரிவித்தது. இதன் மூலம், ஜூசா எனப்படும் உயர் அரசுப் பதவிகள் மற்றும் 10 முதல் 15 வரையிலான சம்பளத் தரங்களில் உள்ள பதவிகளுக்கு அதிகாரிகள் முன்னேற வாய்ப்பு கிடைத்துள்ளது.
இதற்கிடையே, கடந்த செப்டம்பர் 8ஆம் தேதி பணியின்போது ஹெலிகாப்டர் விபத்தில் உயிரிழந்த வான்வழி மருத்துவச் சேவையைச் சேர்ந்த நான்கு சுகாதார அமைச்சு அதிகாரிகளுக்கும், அவர்களின் சேவையைப் போற்றும் வகையில் மரணத்துக்குப் பிந்தைய பதவி உயர்வு வழங்கப்பட்டுள்ளது.
